Ngenxa yalo abarhwebi bomhlaba bayalila, bancwine; ngokuba akukho mntu wumbi uthenga iimpahla zakho.
iimpahla zegolide, nezesilivere, namatye anqabileyo, neeperile, nelinen ecikizekileyo, nezemfusa, nezesilika, nezibomvu; nemithi yonke evumba limnandi, neempahla zonke zeempondo zeendlovu, neempahla zonke zomthi onqabileyo, zobhedu, nezesinyithi, nezemabhule;
nesinamon, neziqhumiso, nemore, nentlaka emhlophe, newayini, neoli, nomgubo ocoliweyo, nengqolowa, neenkomo, neegusha; namahashe, neenqwelo zokulwa, nemizimba nemiphefumlo yabantu.
Ke isiqhamo somphefumlo wakho siphelile kuwe; zonke izinto ezinqwenelekayo nezinqabileyo zimkile kuwe, ungabi sazifumana.
Abarhwebi bezo zinto, abatyetyiswa yiyo, baya kude, ngenxa yokoyika intuthumbo yabo, balila besenza isijwili;
Besithi, Yeha, yeha, loo mzi mkhulu! Wayambethe ilinen ecikizekileyo, nemfusa, nebomvu; zihonjiswe ngegolide, namatye anqabileyo, neeperile; ngokuba ubutyebi obungaka buphanzile ngalixa linye.
Bonke abaqhubi beenqanawa, bonke oomatiloshe, nabo bonke oomatiloshe, nabo bonke abarhwebi baselwandle, bema kude;
Bawubona umsi womlilo wabo, badanduluka, besithi, Nguwuphi na ofana nalo mzi mkhulu?
ISityhilelo 18:11-18
Nenhum comentário:
Postar um comentário